Një gazetare ruse u dënua për përçmim të ushtrisë të mërkurën dhe mori një dënim prej 6 vitesh burg, dënimi më i fundit dhënë ndaj kritikëve për veprimet e Moskës në Ukrainë.
Gjykata në qytetin Barnaul në Siberinë jugore e shpalli Maria Ponomarenko fajtore për “përhapjen të informacionit të rremë lidhur me veprimet e forcave të armatosura ruse” me anë të postimeve të saj në një aplikacion mesazhesh.
Nga ana e saj Ponomarenko, e cila punonte për portalin RusNews, i mohoi akuzat.
Pak ditë pasi Presidenti rus Vladimir Putin dërgoi trupat në Ukrainë më 24 shkurt 2022, parlamenti i kontrolluar nga Kremlini miratoi legjislacionin i cili i shpallte të paligjshme përhapjet e “informacionit të rremë” në lidhje me fushatën ushtarake ruse në Ukrainë.
Autoritetet ruse e kanë përdorur ligjin për “të mbytur” çdo kritikë ndaj atij që Kremlini i referohet si një “operacion special ushtarak” në Ukrainë.
Në dhjetor, politikani i shquar i opozitës Ilya Yashin u dënua me 8 vjet e gjysmë burg.
Në fillim të vitit të kaluar, Alexei Gorinov, një anëtar i këshillit bashkiak të Moskës, mori një dënim prej 7 vitesh për komentet e tij kritike në lidhje me armiqësitë në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
