Bashkimi Europian i dhuroi Shqipërisë 20 mijë teste, ndihmë kjo që do ti shërbejë qeverisë në luftën e saj kundër infeksionit COVID-19.
Ambasadori i Bashkimit Europian në Tiranë, Luigi Soreca deklaroi sot se kitet e ofruara nga BE janë në rrugë e sipër dhe do të mundësojnë kryerjen e 20 mijë testeve për COVID-19.
Këto kite, theksoi Soreca, i vihen në dispozicion Institutit të Shëndetit Publik në Tiranë.
Nëpërmjet një postimi në “Twitter”, diplomati ka theksuar që Bashkimi Evropian do t’i qëndrojë pranë Shqipërisë për përballimin e pandemisë së koronavirusit.
“Donacioni i BE për materiale kontrolli për COVID-19 është gjatë rrugës. 20 mijë teste do t’i vihen në dispozicion Institutin e Pajisjeve të Shëndetit Publik në Tiranë. Sa më të besueshme janë testet, aq më efektive është lufta! BE qëndron pranë Shqipërisë”, shkruan Soreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
