Jorida Tabaku bën akuza të forta mbi qeverinë në lidhje me situatën ekonomike në kohën e pandemisë, pasi sipas ish-deputetes së PD-së Rama vetëm gënjeu, ndryshe nga bota që shpenzonte ç’kishte për të rimëkëmbur ekonomine.
Sipas Tabakut sot 1 në 3 biznese ka falimentuar, ndërsa 57 mijë shqiptarë kanë humbur punën, në një kohë kur sipas saj 40% e ekonomisë është informale.
“Në harkun kohor të 15 ditëve gënjeu tre herë në radhë për planin ekonomik. Sa herë pyetej për ndihmën qesharake ndaj shqiptarëve kur e gjithë bota shpenzonte çkishte për të rimëkëmbur ekonomitë, Rama gënjente pa iu dridhur qerpiku. Sot 1 në 3 biznese ka ulur qepenin dhe 57 mijë shqiptarë se paku kanë humbur punën, në një ekonomi ku 40% e ekonomisë është informale numrat janë më alarmantë.
Sa me shumë flet e vërteta aq më shumë thërrasin e bërtasin. Shqipëria ka shpresë dhe ditë më të mira do të vijnë, pasi shqiptarët do t’i tregojnë vendin gënjeshtarit që ka mbyllur qeverinë me pushime ndërsa shqiptarët humbasin punën,"- shkruan Tabaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
