George Floyd vdiq nga asfiksia gjatë arrestimit të tij, ka thënë një mjek në gjyqin e ish-oficerit të policisë Derek Chauvin në Minneapolis.
Duke kundërshtuar mbrojtjen, Dr. Martin Tobin tha se fentanili nuk e shkaktoi vdekjen e Floyd. Ai tha se edhe një “person i shëndetshëm, nëse do ishte në të njëjtën gjendje do të kishte vdekur”.
Rreth tre minuta para se Chauvin të hiqte gjurin nga qafa e Floyd, Tobin shpjegoi, "nuk kishte mbetur asnjë gram oksigjen në trupin e tij". "Gjuri mbeti në qafë për tre minuta dhe 27 sekonda pasi ai i mori frymën e tij të fundit," tha pulmonologu, duke shpjeguar se edhe pozicioni i prangave dhe fakti që burri kishte fytyrën e tij të shtypur në asfalt luanin një pjesë në vdekjen e tij.
Chauvin, 45 vjeç, u filmua i gjunjëzuar në qafën e Floyd për më shumë se nëntë minuta gjatë arrestimit të tij majin e vitit të kaluar, shkruan BBC. Ish-oficeri është në gjyq për vrasje dhe ka mohuar akuzat kundër tij.
Pamjet e Chauvin, një njeri i bardhë, me gju në qafën e afrikano-amerikanit Floyd shkaktoi protesta globale kundër racizmit.
Gjyqi është në javën e tij të dytë dhe pritet të zgjasë të paktën një muaj. Mbrojtja do të fillojë të argumentojë çështjen në gjykatë javën e ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
