Një shpërthim ndodhi sot në afërsi të një autokolone me të cilën udhëtonte kryeministri palestinez, Rami Hamdallah, i cili po vizitonte Rripin e Gazës. Fatmirësisht nga shpërthimi nuk pati të lënduar.
Autoriteti palestinez bëri të ditur se bëhej fjalë për një bombë të vendosur në anë të rrugës. Ngjarjen e dënoi edhe Hamasi. Disa minuta pas shpërthimit, kryeministri 59-vjeçar u shfaq në inaugurimin e një landfilli, nga ku nxiti bashkimin e palestinezëve.
Raportohet se 3 mjete u dëmtuan në shpërthimin e eskplozivit në anë të rrugës. Shpëthimi la një krater të konsiderueshëm dhe shkaktoi thyerjen e xhamave të mjeteve.
Hamas dhe Autoriteti Palestinez i drejtuar nga presidenti Mahmud Abas janë ende të ndarë në lidhje me administrimin e pushtetit mbi Rripin e Gazës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
