Dy doza të një vaksine Covid nuk janë të mjaftueshme për t'ju ndaluar të prekeni nga varianti Omicron, kanë paralajmëruar shkencëtarët në Mbretërinë e Bashkuar.
Analiza e rasteve të Omicron dhe Delta në Mbretërinë e Bashkuar treguan se vaksinat ishin më pak efektive në ndalimin e variantit të ri.
Megjithatë, një dozë e tretë përforcuese rriti ndjeshëm mbrojtjen në rreth 75%.
Agjencia e Sigurisë Shëndetësore në Mbretërinë e Bashkuar tha se vaksinat kishin ende gjasa të ofrojnë mbrojtje të mirë kundër Covid-it.
Shqetësimi që kur varianti Omicron me shumë mutacione u shfaq për herë të parë ishte se ai do t'i bënte vaksinat më pak efektive.
Shkencëtarët analizuan të dhënat nga 581 raste të Omicron dhe mijëra raste të Delta për të llogaritur se sa efektive ishin vaksinat kundër variantit të ri.
Ai tregoi një rënie drastike të efektivitetit për vaksinën Oxford-AstraZeneca dhe një rënie të konsiderueshme për dy doza të Pfizer.
Megjithatë, doza e tretë rriti mbrojtjen kundër shfaqjes së simptomave të Covid në mes 70 dhe 75%.
UKHSA vlerëson se më shumë se gjysma e të gjitha rasteve në vend do të jenë Omicron nga mesi i dhjetorit dhe se nëse kjo rritje vazhdon e pandërprerë, do të ketë më shumë se një milion raste deri në fund të muajit.
Dr Mary Ramsay, Shef i Imunizimit në UKHSA, tha: "Këto analizime duhet të trajtohen me kujdes, por ato tregojnë se disa muaj pas dozës së dytë, ekziston një rrezik më i madh për infektimin nga varianti Omicron në krahasim me Deltan".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
