Një aksident me pasojë vdekjen ka ndodhur mbrëmjen e së martës, rreth orës 23:00, në aksin rrugor Lezhë-Milot, ku ka humbur jetën një këmbësor 50-vjeçar.
Sipas njoftimit të Policisë, automjeti që drejtohej nga Artur Prendi, 42 vjeç, ka përplasur këmbësorin Gëzim Tuci, rreth 50 vjeç, i cili si pasojë e plagëve të marra ka ndërruar jetë në vendngjarje.
Drejtuesi i automjetit është shoqëruar në ambientet e Komisariatit të Policisë Lezhë për kryerjen e veprimeve të mëtejshme procedurale.
Drejtuesit të automjetit iu nënshtrua testit të alkoolit, i cili rezultoi 0.00 mg/l, duke treguar se nuk ishte nën efektin e alkoolit në momentin e aksidentit.
Nga veprimet e para hetimore dyshohet se aksidenti ka ndodhur si pasojë e një ndërprerjeje të menjëhershme të rrugës nga ana e këmbësorit.
Njoftimi i Policisë:
Rreth orës 23:00, në aksin rrugor Lezhë–Milot, automjeti me drejtues shtetasin A. P., rreth 42 vjeç, ka përplasur këmbësorin, shtetasin G. T., rreth 50 vjeç, i cili ka humbur jetën.
Drejtuesi i automjetit, shtetasi A. P., është shoqëruar në ambientet e Komisariatit të Policisë Lezhë për kryerjen e veprimeve të mëtejshme procedurale.
Grupi hetimor ndodhet në vendngjarje dhe po punon për dokumentimin e plotë të rrethanave të aksidentit, si dhe për përcaktimin e shkakut të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
