Aksioni i ri i opozitës/ PD mbledh Kryesinë, emrat e drejtuesve politikë për 11 qarqe

<p>Partia Demokratike mbledh ditën e mërkurë Kryesinë, për të diskutuar strategjinë e nisjes së protestave. Kjo pasi opozitarët janë të bindur se përballë qeverisë Rama, duhet përballje me protesta. Burime për gazetarin e MCN, Mariglen Kume, thanë se një nga kërkesat kryesore të opozitës, pritet të jetë Qeveria Teknike, e cila çon vendin në zgjedhje.</p> <p>Ideja e nisjes së protestave u hodh edhe këtë të hënë në mbledhjen e Grupit Parlamentar&nbsp;të PD-së.</p> <p>Pas Kryesisë, ditën e premte mblidhet edhe Këshilli Kombëtar, po me këtë fokus, nisjen e stinës së protestave të vjeshtës.</p> <p>Sipas burimeve në PD, mbetet vetëm të përcaktohet forma dhe mbajtja e protestave. Idetë janë të ndryshme, për mënyrën sesi do të mbahen ato, që nga protestat e vazhdueshme përpara Kryeministrisë, mbajtja e protestave nëpër rrethe, bllokimi i rrugëve etj.</p> <p>Të gjitha këto ide pritet të diskutohen në mbledhjen e Kryesisë së PD-së dhe Këshillit Kombëtar e më pas, pritet të nisë aksioni i opozitës, 8 muaj përpara zgjedhjeve të përgjithshme.</p> <p>Një tjetër çështje e rëndësishme, e cila pritet gjithashtu të diskutohet në mbledhjen e Kryesisë së PD-së, është edhe diskutimi për Drejtuesit Politik të PD-së në 12 qarqet e vendit.</p> <p>Tirana pritet të ketë 8 drejtues politikë. Emrat janë ende në diskutim.</p> <p>Ndërsa burimet thonë se 11 drejtuesit në&nbsp;11 qarqeve të tjera, tashmë janë të përcaktuar.</p> <p><strong>LISTA E DREJTUESVE POLITIKË PD</strong></p> <p>1. Shkodër- Luçiano Boçi</p> <p>2. Lezhë - Agron Gjekmarkaj</p> <p>3. Dibër - Xhelal Mziu</p> <p>4. Kukës - Flamur Hoxha</p> <p>5. Durrës - Oerd Bylykbashi</p> <p>6. Elbasan -&nbsp; Ervin Salianji</p> <p>7. Fier - Gazment Bardhi</p> <p>8. Korçë - Ivi Kaso</p> <p>9. Berat - Eno Bozdo</p> <p>10. Vlorë - Bujar Leskaj</p> <p>11. Gjirokastër - Tritan Shehu</p>