Bujar Elezi nga fshati Velçan i zonës së Mokrës në rrethin e Pogradecit solli në redaksinë e emisionit “Xhadat” shqetësimin e tij. Prej vitit 2017 banesa e tij është dëmtuar për shkak të rrëshkitjes së tokës.
Pas denoncimit në institucione është realizuar dhe studimi gjeologo- inxhinierik ku sipas inxhinierëve banesa përbën rrezik për të jetuar.
Por pavarësish rrezikut të faktuar edhe nga ana e strukturave përkatëse, Bashkia Pogradec, nuk kishte marrë asnjë masë në lidhje me evakuimin e familjes Elezi.
Pas rrezikut që i kanoset familjes së tij z. Elezi, kërkoi sërish ndihmën e emisionit” Xhadat”. Edhe pse kanë kaluar gati 10 muaj nga koha kur Xhadat kishin vënë për herë të parë në dijeni Bashkinë e Pogradecit, ato u rikthyen sërish për të kërkuar një zgjidhjen bashkë me denoncuesin.
Gjatë një përballje mes Bujar Elezit, drejtoreshës së Emergjencave Civile dhe kryetarit të Bashkisë Pogradec ky i fundit i premtoji z, Elezi, që do ta ndihmojë me lehtësimin e procedurave për nxjerrjen e lejes së ndërtimit,duke i kërkuar të gjej tokën ku do të ndërtojë, kusht ky për pajisjen me leje ndërtimi nga ana e Bashkisë dhe dëmshpërblimin.
Në lidhje me rastin, drejtoresha e zyrës së Emergjencava Civile, Besmira Niko u shpreh:
“Kuadri ligjor është i tillë që në rast se jemi në një situatë të tillë duhet të pajiseni me një leje ndërtimi në një truall të qëndrueshëm dhe pastaj Emergjencave Civile ju lind e drejta t’iu dëmshpërblejnë. „
Drejtoresha e Emergjencave Civile deklaroi gjithashtu se së shpejti do të nisë dhe trajtimi i familjen Elezi me bonus qiraje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
