Qiproja iu heq nënshtetësinë 21 rusëve, sipas gazetës qipriote Phileleftheros.
Katër oligarkë të përfshirë në listën e të sanksionuarve nga Bashkimi Europian, janë ndër personat e prekur nga heqja e shtetësisë.
Shtetësia iu është hequr gjithashtu edhe fëmijëve dhe grave të tyre, duke çuar në total në 21 numrin e personave të prekur nga masat e Qipros.
Katër oligarkët rusë kishin marrë nënshtetësinë qipriote midis viteve 2013 dhe 2019.
Mes të sanksionuarve është Aleksander Ponomarenko, president i kompanisë që menaxhon Aeroportin Ndërkombëtar Sheremetyevo, afër Moskës.
Të sanksionuar janë edhe Mikhail Gutseriev, Alexey Kuzmichev dhe Vadim Moshkovich.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
