Ish-Shefi i Shtabit të Forcave të Armatosura, Bardhyl Kollçaku, ka paditur në Gjykatë presidentin Meta dhe ministren e Mbrojtjes Olta Xhaçka.
Kollçaku ka kërkuar që dekreti i lirimit të tij nga detyra një muaj para se ti mbaronte mandati të shfuqizohet.
Së pari ai kërkon të shfuqizohet dekreti i presidentit Meta që si ka dhënë atij gradën madhore Gjeneral Brigade.
Së dyti shfuqizimin e dekretit të presidentit që e ka nxjerrë atë në lirim. Përkatësisht “Shfuqizimin e Dekretit nr. 11571 date 29.7.2020 te Presidentit të Republikës së Shqipërisë, për lirimin e Gjeneral Brigade Bardhyl Myrteza Kollçaku nga detyra e Shefit të Shtabit të Përgjithshëm të Forcave të Armatosura të Republikës së Shqipërisë dhe nxjerrjen në lirim nga shërbimi aktiv në Forcat e Armatosura.
Kollçaku kërkon që atij t’i paguhet paga nga 29 korriku deri në 29 gusht, ditë në të cilën i mbaronte mandati, ndërsa kërkon që nga data 29 gusht kur i përfundonte ligjërisht mandati të paguhet me pagën sipas gradës Gjeneral Major deri në emërimin e tij në funksionin sipas gradës.
Bardhyl Kollçaku i la vendin Bajram Begaj në 30 qershor të këtij viti, pas tre vitesh në detyrë si Shef i shtabit të Forcave të Armatosura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
