Reshjet e shiut kanë vijuar të bien edhe gjatë mbrëmjes së sotme, ndërsa situatë e rënduar raportohet të jetë në qytetin e Gjirokastrës. Si pasojë, janë shtuar prurjet në përroin e Çullos, ndërsa është bllokuar rruga në Gërhot.
Në vendngjarje kanë shkuar punonjës të Shërbimeve Publike, të cilët monitorojnë situatën pasi gjatë natës rrezikohet nga përmbytja lagja dhe banesa pranë përroit.
Ndërkohë, edhe Liqeni i Viroit ka arritur në pikën e tij kritike si pasojë e prurjeve të shumta nga reshjet e vazhdueshme të shiut.
Kjo ka bërë që rrugët në lagjen e Viroit të jenë nën pushtetin e ujit, si dhe është ndrëprerë energjia elektrike.
Edhe në lagjen Kordhoc të Gjirokastrës raportohet se ka shkëputje të energjisë elektrike, si dhe në disa fshatra të Bashkisë Tepelenë e Memaliaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
