Këngëtari Stivi Ushe, erdhi në studion e programit të mëngjesit “Zgjohu me MCN”, për të promovuar baladën e tij më të re të titulluar “Mos ma merrni”.
Përtej pritshmërive për prezantimin e këngës, Stivi tha se ajo u mirëprit mjaft mirë që kur nxori promon e klipit në rrjete sociale.
Kënga pati boom akoma pa dal. Njerëzit po më thoshin kur do e nxjerrësh klipin, që kur doli promo në rrjete sociale.
Ishte pastaj edhe frika që njerëzi e kanë dëgjuar një pjesë këngë dhe a do e dëgjonin më, por u prit jashtëzakonisht mirë.
Fabula e këngës ishte që doja të bëjë një këngë si himn dashurie dhe kur ma dërgoj Alexi, producenti i këngës, një vije melodike, më tha këndoje me piano. Unë atu nuk e mbaj mend por di që e krijova edhe tekstin dhe i thashë kam bërë diçka të bukur dhe ai më merr në telefon e më thotë ke goditur me këtë këngë.
Shijen e parë kënga dha që herën e parë dhe mendoj se dhe klipi ishte shumë mirë i realizuar.
Stivi Ushe thotë se ka në plan edhe realizimin e një albumi të ri pas pjesëmarrjes në “Kënga Magjike”.
Pas pjesëmarrjes në Kënga Magjike dhe pas publikimit të kësaj kënge, mendoj se jam gati për një album të ri.
Bashkë më producentin kemi gati disa këngë dhe jemi duke konstruktuar. Mendoj se brenda vitit do ta publikojmë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
