Presidenti turk Rexhep Taip Erdogan do të vizitojë këtë enjten edhe tre zona të tjera që u dëmtuan nga tërmeti shkatërrues i së hënës në Turqinë jugore, njoftoi TRT Haber.
Erdogan do të vizitojë qytetet jugore Gaziantep, Osmaniye dhe Kilis, të vendosura pranë kufirit me Sirinë.
Të mërkurën, Erdogan vizitoi një qendër ndihme emergjente të ngritur nga agjencia turke e menaxhimit të fatkeqësive pranë epiqendrës në rrethin e Pazarcik, si dhe përpjekjet e ndihmës në provincat Adana, Hatay dhe Kahramanmaras.
Duke folur teksa vizitoi disa zona të fatkeqësive të mërkurën, Erdogan u zotua të ndërmarrë "çdo hap të nevojshëm" dhe të bashkojë shtetin dhe kombin në mënyrë që "ne të mos lëmë asnjë qytetar pa mbikëqyrje".
Më herët gjatë ditës, presidenti kishte pranuar shqetësimin e publikut për reagimin e qeverisë, duke pranuar se shteti fillimisht "kishte disa probleme" në aeroporte dhe rrugë, por këmbënguli se situata tani ishte "nën kontroll".
Kujtojmë se ka shkuar mbi 16 mijë numri i viktimave nga tërmeti në Turqi dhe Siri. Sipas zyrtarë të qeverisë siriane dhe një grup shpëtimi në veriperëndim të vendit të kontrolluar nga rebelët, numri i viktimave nga tërmeti në Siri ka shkuar në 3,162.
Agjencia turke e fatkeqësive tha më herët të enjten se numri i personave të konfirmuar të vdekur kishte shkuar në 12,873 gjatë natës. Kjo do të thotë se numri i përgjithshëm i viktimave nga tërmetet në të dy vendet ka shkuar në 16,035.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
