Është arrestuar një nga grabitësit që dy ditë më parë arritën ti marrin një shumë parash një punonjësi “Exchange” në rrugën e Kavajës në Tiranë.
Mësohet se në pranga ka rënë Roni Spaho 22 vjeç, i dënuar më parë për vjedhje. Gjithashtu u shpallën në kërkim shtetasit M. Gj., 26 vjeç, i dënuar më parë për vjedhje dhe M. B.(B)., 26 vjeç, i dënuar më parë për plagosje të rëndë.
Operacioni “Valuta” u zhvillua nga Komisariati i Policisë Nr. 3, në bashkëpunim me Sektorin e Krimeve ndaj Jetës dhe Pronës në DVP Tiranë, nën drejtimin e Prokurorisë pranë Gjykatës së Shkallës së Parë Tiranë, ndësa është bërë e mundur edhe sekuestrimi në cilësinë e provës materiale të shumës së parave të vjedhur.
Vijon puna për kapjen e shtetasve të shpallur në kërkim, të cilët kanë qenë dy personat që ndodheshin me motor në momentin që ka ndodhur ngjarja, ndërsa shtetasi R. S. (i arrestuar) i ka ndihmuar duke i informuar për lëvizjet e të dëmtuarit.
Ngjarja ndodhi mëngjesin e 4 majit në rrugën “Mihal Duri”, ku këta tre persona i vodhën me dhunë shumën prej 3.000.000 lekësh të rinj, shtetasit Qani Zili, 60 vjeç, punonjës i një pike valute.
Ata e kanë ruajtur 60-vjeçarin dhe në një moment e kanë kapur në befasi duke e qëlluar me sende të forta në kokë. Më pas kanë arritur t’i marrin shumë e parave.
Materialet në ngarkim të tyre i kaluan Prokurorisë pranë Gjykatës së Rrethit Gjyqësor Tiranë, për veprën penale “Vjedhja me dhunë” kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
