OBSH: Evropa ka nivelin më të lartë të konsumit të alkoolit në botë

Sipas Organizatës Botërore të Shëndetësisë, Bashkimi Evropian ka shkallën më të lartë të konsumit të alkoolit në botë. 

Të dhënat e siguruara nga OBSH tregojnë se tetë nga dhjetë vendet që konsumojnë më shumë alkool janë në Evropë. 

Në publikimin e këtyre të dhënave, institucioni kujton se abuzimi i tepërt me alkoolin jo vetëm që ushtron presion mbi sistemin social dhe shëndetësor duke shkaktuar edhe dëme të shumta ekonomike, por mund të shkaktojë edhe kancer. 

Të dhënat e ofruara nga OBSH, theksojnë ekspertët, tregojnë se në BE rreth gjysma e rasteve të kancerit të gjirit lidhen me konsumimin e lehtë ose të moderuar të alkoolit. 

Ndër vendet që regjistrojnë konsumin më të lartë janë Islanda, Norvegjia dhe Ukraina.

"Alkooli është një kancerogjen i Grupit 1, në të njëjtën kategori si arseniku, asbesti dhe duhani. Megjithatë shumica e njerëzve nuk janë të vetëdijshëm për rreziqet e shumta që paraqet alkooli për shëndetin e tyre", tha Hans Henri Kluge, Drejtor Rajonal i OBSH-së për Evropën.

Në vitin 2016, në fakt, pothuajse 80,000 njerëz vdiqën nga disa kancere të lidhura me alkoolin, thekson OBSH, ndërsa 1.9 milionë vite jetë humbën për shkak të paaftësisë ose vdekjes së parakohshme.