Joe Biden njoftoi sanksione të reja ndaj Rusisë, duke përfshirë dëbimin e 10 diplomatëve, në shenjë hakmarrjeje për hakimin dhe ndërhyrjen në zgjedhje.
Sanksionet, të paralajmëruara për javë të tëra nga administrata, përfaqësojnë veprimin e parë hakmarrës të njoftuar kundër Kremlinit për sulmin e vitit të kaluar, i njohur mirë si shkelja e SolarËinds.
Në atë ndërhyrje, hakerat rusë besohet se kanë infektuar softuer të përdorur gjerësisht me kod të dëmshëm, duke u mundësuar atyre të hyjnë në rrjetet e të paktën nëntë agjencive në atë që zyrtarët amerikanë besojnë se ishte një operacion i mbledhjes së inteligjencës që synonte nxjerrjen e sekreteve qeveritare.
Përveç këtij sulmi, zyrtarët amerikanë muajin e kaluar pretenduan se Presidenti i Rusisë Vladimir Putin autorizoi operacionet për të ndihmuar Donald Trump në ofertën e tij të pasuksesshme për rizgjedhje si president, megjithëse nuk ka prova se Rusia ose dikush tjetër ndryshoi votat ose manipuloi rezultatin.
Sanksionet, me sa duket synojnë t'i dërgojnë një mesazh të qartë ndëshkues Rusisë dhe të parandalojnë veprime të ngjashme në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
