Fitoren elektorale të radhës të presidentit Vuçiç, Emilio Çika, pedagog i marrëdhënieve ndërkombëtare, e sheh si një mundësi për të çuar përpara nismën e tij për Ballkanin e Hapur. Në studion e lajmeve të MCN TV, Çika tha se në lidhje me rrugëtimin e Serbisë drejt BE-së, dialogu me Kosovën mbetet me rëndësi themelore, pavarësisht zhvillimeve politike të brendshme.
Do të ketë vazhdimësi të politikës së tij në rajon. Kryesorja është nisma e tij për Ballkanin e hapur, që në këtë moment është në fazë stanjacioni. Duhet pranuar që Ballkani ka pasur ndikime të jashtme.
E gjithë problematika e Serbisë me BE-në ka një emër dhe ky emër është Kosova. Nga ana e aspektit teknik, Serbia është shumë më përpara shteteve të tjera që janë në përpjekje për t’iu bashkuar BE-së. Në momentin që do të ecet përpara me negociatat me Kosovën, pozita e Serbisë do të hyjë në një tjetër dimension. Serbia është qortuar për qëndrime që duhet të mbajë në kohezion me BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
