“Është prishur sistemi arsimor, 60% e maturantëve ikin nga Shqipëria”, kështu u shpreh i shqetësuar për situatën e arsimit në Shqipëri pedagogu Rezart Prifti.
Nga emisioni “Arnautistan” në MCN TV, Prifti duke u bazuar në të dhënat e INSTAT, Prifti tha se sot nuk ka as 29 mijë fëmijë që regjistrohen në klasë të parë. Kjo sipas tij është pika kur edhe po të merremi me sistemin arsimor sipas tij s’do ketë më të rinj.
“Unë shoh se këtu është prishur sistemi arsimor. Këtu 60% e maturantëve ikin nga Shqipëria. Sot nuk ka as 29 mijë që regjistrohen në klasë të parë. Këto janë të dhëna të INSTAT. Mua më kujtohen qytetet e vogla që gumëzhinin, por sot nuk ka njerëz, por ka rrugë. Ka rrugë por s’ka njerëz. Dhe ne jemi në një pikë që do merremi me arsimin por s’ka më të rinj. Sistemi arsimor është frymë”, tha Prifti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
