Një pikturë e artistit austriak Gustav Klimt që besohej e humbur për afro 100 vjet, do të dalë në ankand në Vjenë. Ka shumë pyetje pa përgjigje në lidhje me pikturën e papërfunduar, “Portreti i Fraulein Lieser”, të cilën Klimt e filloi në 1917, një vit para vdekjes së tij.
Ka edhe debate se kush është gruaja në foto dhe çfarë ka ndodhur me pikturën gjatë epokës naziste. Vlera e pikturës vlerësohet deri në 50 milionë euro, megjithëse mund të ketë një çmim më të lartë.
Besohet se përshkruan një nga vajzat e Adolf ose Justus Lieser, të cilët ishin vëllezër nga një familje e pasur industrialistësh hebrenj.
Historianët e artit Thomas Natter dhe Alfred Weidinger thonë se subjekti në pikturë është Margarethe Constance Lieser, vajzës së Adolf Lieser. Por shtëpia e ankandit “im Kinsky” në Vjenë, e cila po nxjerr në ankand veprën e artit, sugjeron se piktura mund të përshkruajë gjithashtu një nga dy vajzat e çiftit Justus dhe Henriette Lieser.
Henriette, e cila njihej si Lilly, ishte një ithtare e artit modern. Ajo u deportua nga nazistët dhe vdiq në kampin e përqendrimit të Aushvicit gjatë Holokaustit. Vajzat e saj, Helena dhe Annie, të dyja i mbijetuan Luftës së Dytë Botërore. Shtëpia e ankandeve tha në një deklaratë se nuk dihet ku përfundoi piktura pas vitit 1925. Kujtojmë që veprat e Klimt janë shitur për shuma të mëdha në të shkuarën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
