Pritjes i ka ardhur fundi, ABBA publikon datën e lëshimit të albumit

Pritjes për ribashkimin e shumëpritur të ABBA mund t’i ketë ardhur fundi.

Të enjten, një faqe e quajtur “ABBA Voyage” u shfaq në internet duke u bërë thirrje fansave që të “regjistrohen për të qenë të parët që do të dëgjojnë më shumë” më 2 shtator.

Faqja e internetit gjithashtu ka faqen zyrtare në Twitter.

Fansat e ABBA shpresojnë që projekti i cili do të laçohej në 2020 të publikohet në datën e paralajmëruar nga faqja.

Grupi suedez u detyruan të vonojnë këto plane për shkak të pandemisë, por thanë se do të publikonin pesë këngë në 2021.

Sipas Geoff Lloyd, bashkëpunëtori i podkastit “Reasons to be cheerful” tha: Më duhej të kaloja një orë me Björn Ulvaeus nga Abba përmes Zoom. Ai është në karantinë - ka një ishull në arkipelagun e Stokholmit.

“Ata kanë regjistruar pesë këngë të reja. Ato duhet të kishin dalë në fund të vitit të kaluar ... por për shkak të vështirësive teknike dhe pandemisë, gjërat janë vonuar. Por ai më premtoi se muzika e re ABBA do të dalë në vitin 2021. ”

Shumë fansa besojnë se "Voyage" është emri i një albumi të ri.

Albumi i fundit i ABBA u publikua në 1982, ndërsa tre këngë të pa publikuara u bënë publike një dekadë më vonë në 1993 dhe 1994.

Grupi, i përbërë nga Ulvaeus, Benny Andersson, Anni-Frid Lyngstad dhe Agnetha Fältskog, arriti famë ndërkombëtare në 1974 pasi fitoi Eurovision Song Contest me këngën "Waterloo".

Duke folur për rikthimin e të katërve në maj 2020, Ulvaes tha: “U desh gjysmë minutë dhe disi u kthyem në kohë si të kishim qenë dje.

Ishte kaq e çuditshme. Ajo ndjenjë mes nesh ishte e jashtëzakonshme. ”