Administrata e Presidentit Trump urdhëroi të enjten mbylljen e konsullatës ruse në San Francisco si dhe pakësimin e personelit në ambasadën e Rusisë në Uashington si dhe në konsullatën e saj në Nju Jork.
Vendimi vjen si kundërpërgjigje ndaj dëbimit nga Rusia të diplomatëve dhe personelit tjetër diplomatik të SHBA në Rusi para disa javëve.
Zëdhënësja e Departamentit të Shtetit Heather Nauert tha se kjo masë e barazon numrin e personelit diplomatik të SHBA dhe Rusisë në vendet përkatëse.
Moska e ndërmori shkurtimin e stafit diplomatik amerikan më parë këtë vit si përgjigje ndaj sanksioneve të SHBA. Uashingtonit iu kërkua një reduktim prej 755 vetësh.
Sekretari i Shtetit Rex Tillerson kishte thënë se Shtetet e Bashkuara do të kundërpërgjigjeshin përpara 1 shtatorit.
Zyrat e Rusisë duhet të mbyllen deri të shtunën.
Por i menjëhershëm ishte edhe reagimi i kremlinit. "Në Moskë do të shqyrtojmë me kujdes masat e reja të shpallura nga amerikanët dhe pastaj do të njoftojmë reagimin tonë."
Kjo është një përmbledhje e asaj që ministri i jashtëm rus Sergei Lavrov i tha Sekretarit amerikan të Shtetit Rex Tillerson në një bisedë telefonike pas vendimit Uashingtonit zyrtar.
Këtë njofton ministria e jashtme e Moskës, duke theksuar se Lavrov, "shprehu keqardhje për shkak të përshkallëzimit të tensionit" midis SHBA dhe Rusisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
