Erjona Preka, shqiptarja 25 vjeçare ka mbaruar studimet për infermieri në Itali. Ajo ka aplikuar prej disa javësh që të marrë nënshtetësi italiane dhe të mund të punësohet për të dhënë kontributin e saj ndaj të sëmurëve me Covid-19. Lajmi është publikuar në mediat italiane, të cilat kanë vlerësuar gjestin e 25-vjeçares shqiptare.
Kërkesa e saj është pranuar pak me vonesë, por gjithsesi është përshëndetur nga kryebashkiaku i zonës.
Ceremonia u zhvillua në sallën e zyrës së regjistrit të bashkisë, në siguri: kryebashkiaku Fogliato dhe një zyrtar nga njëra anë e një pengese pleksiglase, Erjona nga ana tjetër. Infermierja e re konkludon: "Edhe në këto kushte, ishte vërtet emocionuese. Falënderoj Italinë që më dha aq shumë, tani dua të jap kontributin tim”./Lastampa.it/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
