Tre vjet më parë, juristi Jordan van den Berg ishte një krijues i panjohur i TikTok, i cili bëri video që kishin si objekt qesëndie agjentët e pasurive të paluajtshme. Por sot 28-vjeçari është një nga aktivistët me profilin më të lartë në Australi.
Duke postuar nën emrin “Purple Pingers”, Van den Berg trajton krizën e strehimit në vend duke nënvizuar kushtet tronditëse të qirasë, sjelljen e dobët nga pronarët dhe politikat e dështuara të qeverisë. Është qasja e tij e stilit vigjilent, ku përfshihet ndihma për njerëzit me qëllim gjetjen e shtëpive të lira, dhe ekspozimin e qirave të këqija në një databazë publike, që i ka sjellë fansa të shumtë. Madje disa e kanë quajtur si “Robin Hood”-i i qiramarrësve. Por nisma e tij i ka sjellë edhe armiq duke nxitur polemika në Australi, dhe tani edhe jashtë saj. Nuk ka dyshim që strehimi në Australi është në krizë. Ekspertët thonë se pothuajse gjithçka ka shkuar keq.
Blerja e një shtëpie është astronomikisht e shtrenjtë, duke dërrmuar tregun e qirave.
Kriza ka dërguar qiratë në nivele rekord dhe normat e vendeve të lira në nivele rekord, duke detyruar shumë australianë në banesa të pasigurta, të papërballueshme, të mbipopulluara ose të pasigurta, apo duke i lënë të pastrehë.
"Duke parë mënyrën se si në Australi trajtoheshin njerëzit vulnerabël... më mërziti vërtet," tha ai për BBC nga Melburni. Dhe kështu ai filloi të ironizonte dhe shigjetonte agjentët e pasurive të patundshme në internet. Duke postuar në llogaritë e tij “Purple Pingers”, një emër përdoruesi që i referohet pilulave ekstazi, ai nisi të postonte kritika sarkastike, parodi, apo solli përvoja të njerëzve qiramarrës.
Dhe kështu lindi baza e të dhënave "Shit Rentals". Më shumë se 3000 rishikimet e tij nga njerëz anonimë zbuluan imazhe të shtëpive me instalime elektrike problematike, mure me lagështirë, dysheme të krisura, myk, kërpudha, dhe mjerim në banesa. Shumë prej të pasurve tregon ai nuk e kanë mirëpritur listën e shtëpive të lira, duke e kërcënuar ligjërisht dhe fizikisht.
Ka nisur një debat kombëtar në Australi, ku ai është akuzuar për inkurajimin e krimit, diçka që ai e hodhi poshtë në televizionin kombëtar ndërsa kishte veshur një bluzë ku shkruhej "njerëzit e mirë nuk u binden ligjeve të këqija".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
