Elon Musk është bërë njeriu më i pasur në botë, pasi vlera e tij neto i kaloi 185 miliardë dollarë. Sipërmarrësi i Tesla dhe SpaceX arriti në vendin e parë pasi çmimi i aksioneve të Teslas u rrit të enjten. Ai i merr vendin e parë themeluesit të Amazon, Jeff Bezos, i cili e ka mbajtur atë që nga viti 2017.
Kompania e makinave elektrike të z. Musk, Tesla, është rritur këtë vit dhe arriti një vlerë tregu prej 700 miliardë dollarë për herë të parë të mërkurën.
Kjo e bën kompaninë e makinave më të vlefshme se Toyota, Volkswagen, Hyundai, GM dhe Ford së bashku.
Në një postim të hershëm të Musk mund të shohim qartë mendimin e tij mbi pasurinë personale.
"Rreth gjysma e parave të mia ka për qëllim të ndihmojë problemet në Tokë, dhe gjysma për të ndihmuar krijimin e një qyteti në Mars për të siguruar vazhdimin e jetës (të të gjitha specieve) në rast se Toka goditet nga një meteor si dinosaurët ose nëse ndodh Lufta e Tretë Botërore dhe ne shkatërrojmë vetveten", thuhet në të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
