Bujar Muço, sekretar i Shoqatës së Biznesit të Vogël dhe të Mesëm, thotë se informaliteti i lartë dëmton biznesin e ndershëm. Sipas tij, informaliteti arrin të paktën në 45%, ndërsa qeveria nuk e ka luftuar këtë fenomen, shpesh edhe qëllimisht.
Ne kemi vënë gishtin mbi plagë në luftën kundër informalitetit. Është në shifrën mbi 45%. Në një vend të vogël si ne nuk mund të thuash që qeveria e ka të pamundur ta luftojë informalitetin. Ne mbrojmë bizneset e formalizuara. Ne këtë luftë, qeveria nuk është angazhuar siç duhet. Ka lënë në mënyrë të vullnetshme të rritet korrupsioni.
Kjo luftë duhet t’i preokupojë të gjithë. Mungojnë shumë të ardhura në arkën e shtetit. Kjo tregon mungesë vullneti për ta luftuar. Pasojat bien mbi biznesin e ndershëm. Rriten taksat, rritet korrupsioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
