Kapja e dy makinave me një sasi të madhe parash në portin e Durrësit u bë shkak për debat në mbledhjen e sotme të Komisionit për Punën, Çështjet Sociale dhe Shëndetësinë. Deputeti demokrat, Ervin Salianji, tha se pronari i makinave me 3.4 milionë euro brenda tyre është një person që ka imunitet nga policia.
Salianji tha se personi i arrestuar në lidhje me paratë e sekuestruara është dënuar për dhunë në familje nga Gjykata e Apelit. Ai akuzoi se arrestimi i tij është bërë me qëllim që hetimi të mos çohet deri në fund.
“Ne po i themi shqetësimet se mendojmë se shkaqet nuk janë vetëm nxitimi për ligjet. Këtu në këtë vend shkak është zbatimi i ligjit. Ky vendim dënon një person me 6 muaj burg, është Edi Lika. Është personi që u kap dje me 3.4 milionë euro në “Toyota Yaris” në Durrës. Ky zotëria nuk e vuan dënimin sepse thotë bashkë me çunin e tij se “policia është me ne”. Ne bëjmë sikur bëjmë ligje këtu. Policia e ka kapur vetëm për një arsye, që të mos shkojë hetimi deri në fund dhe të mos kapet “koka””, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
