Policia dhe përfaqësues të Prokurorisë së Elbasanit kanë shkuar në ambientet e inceneratorit për të kryer hetimet në terren.
Gazetarja Entela Duka raportoi për MCN Live, se për shkak të mos funksionimit të këtij inceneratorit dhe grumbullimit të tonelatave të mbetjeve, prokurori i Elbasanit Xheljan Seferi ka marrë në dorë çështjen.
Puna e inceneratorit ka ndalur prej disa muajsh, ndërkohë që tonelata të tëra mbetjesh ndodhen në këtë landfill.
Prokuroria e Elbasan në bashkëpunim me policinë po kryejnë veprime hetimore në këtë vepër, e cila shpesh është akuzuar si aferë e pastër korruptive.
Përveç hetimit nga SPAK, i bashkëngjitet një tjetër hetim nga organi i akuzës në Elbasan, ku çështja është marrë në dorë nga prokurori Xheljan Seferi.
Prokuroria i mëshon faktit se bëhet fjalë për një çështje sensitive mjaft të rëndësishme.
Vetë prokurori i referohet zjarrit të rënë në 23 korrik 2023 dhe fokusi është vendosur te shkatërrimi i pronës dhe ndotja masive e zonës përreth, pasi bëhet fjalë nga një zonë me një numër të madh banorësh.
Inceneratori ndodhet pranë ujërave të lumit Shkumbin dhe ndotja e shkaktuar edhe në ujërat e këtij të fundit konsiderohet ndotje e madhe.
Vetë prokurori ka thënë se e ka shtrirë hetimin, edhe te hetimi i administratorit për shpërdorim detyre.
Inceneratori i Elbasanit nuk funksionon, por për shkak të mos funksionimit janë grumbulluar tonelata të tëra mbetjesh, po shihet mundësi e krijimit të një landfilli të ri, për të cilin kërkohet mbështetje nga qeveria shqiptare.
Në këto kushte organet e akuzës kanë zbritur në terren.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
