Policia e Tiranës ka vënë në pranga një 44 vjeçar me iniciale D. D., pasi kishte përshtatur lokalin e tij për ushtrimin e lojërave të fatit përmes basteve sportive.
44-vjeçari u kap në flagrancë duke ushtruar aktivitetin e paligjshëm të lojërave të fatit, nëpërmjet basteve sportive, në një lokal, në rrugën "Haxhi Hysen Dalliu".
Në cilësinë e provës materiale u sekuestrua aparati celular që dyshohet se përdorej për vendosjen e basteve sportive.
Njoftimi i policisë: Tiranë
Vijon operacioni policor i koduar "Fati i lojërave".
Goditet nga Komisariati i Policisë Nr. 3, një tjetër rast i organizimit të kundërligjshëm të lojërave të fatit.
Arrestohet në flagrancë shtetasi që e ushtronte këtë veprimtari.
Specialistët e Seksionit për Hetimin e Krimeve në Komisariatin e Policisë Nr. 3, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, kanë evidentuar dhe goditur një rast tjetër të ushtrimit të kësaj veprimtarie, nëpërmjet basteve sportive.
Në përfundim të veprimeve hetimore u arrestua në flagrancë shtetasi:
-D. D., 44 vjeç, për veprën penale "Organizimi i lotarive të palejuara".
Gjatë kontrolleve të ushtruara nga shërbimet e Policisë, ky shtetas u kap në flagrancë duke ushtruar aktivitetin e paligjshëm të lojërave të fatit, nëpërmjet basteve sportive, në një lokal, në rrugën "Haxhi Hysen Dalliu".
Në cilësinë e provës materiale u sekuestrua aparati celular që dyshohet se përdorej për vendosjen e basteve sportive.
Materialet procedurale i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
