Helika e Moulin Rouge është shkëputur nga monumenti i famshëm në Paris dhe ka rënë në rrugë.
Ngjarja ka ndodhur në orën e para të mëngjesit të kësaj të enjteje. Zjarrfikësit thanë se nuk ka të lënduar dhe se nuk ka rrezik për shembje të mëtejshme.
Shkaqet ende nuk janë përcaktuar.
"Kjo është hera e parë që një aksident i këtij lloji ka ndodhur që nga krijimi i tij më 6 tetor 1889", tha administrata e Moulin Rouge, e cila nuk ka asnjë informacion për shkakun e këtij aksidenti.
Incidenti vjen vetëm disa muaj përpara se kryeqyteti francez të presë Lojërat Olimpike.
E vendosur në lagjen e famshme të Pigalle, pranë Montmartrit, Moulin Rouge është një nga klubet më të famshme në kryeqytetin francez. Ajo u përurua në 1891 nga Charles Zidler dhe Joseph Oller.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
