1-Xhulia Roberts luan në film rolin e Vivian Uardit. Ajo nuk ishte aktore shumë e njohur në atë kohë dhe e mori rolin pasi e refuzuan shumë aktore të tjera të njohura, ndër të cilat ishin: Winona Ryder, Meg Ryan, Karen Allen, Jennifer Connelly dhe Michelle Pfeiffer.
2-Aktorë të tjerë që ishin pretendentë për rolin e Eduard Ljuisit (Richard Gere), ishin Christopher Reeve, Daniel Day Lewis, Denzel Washington dhe Al Pacino.
3-Në skenën ku Viviani ndjek filmin “I love Lucy” në dysheme, regjisori i filmit, Garry Marshall, në të vërtetë guduliste këmbët e Xhulias që të arrinte të qeshurën spontane perfekte.
4-Xhaketa e kuqe që vesh Viviani në film në të vërtetë është blerë në rrugë për 30 dollarë para se të nisnin xhirimet e filmit.
5-Roli i Kitit iu propozua Demi Moore-it, por ajo nuk pranoi.
6-Richard Gere luan vërtet në piano në këtë skenë, madje ai ka kompozuar edhe një këngë për filmin “Pretty Woman”.
7-Gjatë xhirimit të skenave në dhomën e gjumit, Xhulia ishte aq nervoze sa i doli një damar në ballë. Regjisori dhe Riçardi i bënë masazh në ballë derisa ajo u zhduk.
8-Skena ku Eduardi mbyll kutinë me gjerdanin në duart e Vivianit ishte e improvizuar. Reagimi i Xhulias ishte normal dhe regjisorit i pëlqeu aq shumë sa e futi në film.
9-Meqenëse po flasim për gjerdanin, ai kushtonte 250 000 dollarë dhe një rojë i armatosur i argjendarisë e shoqëronte kudo në sheshxhirim.
10-Fillimisht filmi kishte titullin “3000”, pasi ajo ishte shuma që ranë dakord Eduardi dhe Viviani për një javë. Më pas e ndryshuan në “Pretty Woman”, pasi iu shtua kënga me të njëjtin titull e Roy Orbisonit si kolonë zanore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
