Presidenti i Namibisë, Hage Geingob, u nda nga jeta mëngjesin e sotëm në një spital në Windhoek. Ai ishte 82 vjeç.
Këtë e ka bërë të ditur zyra e Presidencës përmes një shënimi të publikuar në rrjetet sociale.
“Me pikëllim dhe keqardhje të madhe ju njoftoj se i dashuri ynë ishte në trajtim”, lexohet në deklaratën e nënshkruar nga presidenti i përkohshëm Nangolo Mbumba.
Lideri 82-vjeçar ishte diagnostikuar me kancer dhe zbuloi diagnozën e tij për publikun muajin e kaluar.
Zyra e tij njoftoi se ai do të udhëtonte në SHBA për trajtim, por do të kthehej në Namibi më 2 shkurt.
Geingob u bë President në vitin 2015 dhe po kryente mandatin e tij të dytë dhe të fundit në detyrë.
Ai iu nënshtrua një operacioni të aortës vitin e kaluar dhe në vitin 2014 zbuloi se i kishte mbijetuar kancerit të prostatës.
Namibia do të mbajë zgjedhje presidenciale dhe parlamentare në nëntor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
