Aktori i famshëm, Luke Perry ka ndërruar jetë në moshën 52-vjeçare, vetëm disa ditë pasi pësoi një goditje në tru dhe u shtrua në spital.
Publicisti Arnold Robinsoi konfirmoi lajmin e hidhur dhe shtoi se familjarët dhe miqtë ishin pranë Luke kur vdiq. Pranë tij ishin edhe fëmijët, e fejuara dhe ish-gruaja.
Aktori kishte një javë i shtruar në spital, por nuk u dhanë detaje të tjera për gjendjen e tij.
Ai ishte dërguar në një spital në Los Angeles në javën e kaluar, pasi në shtëpinë e tij ishin thirrur shërbimet emergjente.
Publicisti tregoi se familjarët e vlerësojnë mbështetjen e të gjithëve.
52-vjeçari arriti kulmin e famës kur u bë pjesë e shfaqjes amerikane “Beverly Hills, 90210” ku u bë mashkulli i preferuar i femrave në atë kohë.
Së fundmi aktori ka qenë i angazhuar në serialin “Riverdale”.
Familja nuk ka dhënë detaje shtesë për vdekjen e aktorit që u bë një nga djemt më të pëlqyer për femrat e viteve 1990.
Të mërkurën e kaluar, media amerikane raportoi se mjekët ishin thirrur në shtëpinë e aktorit në Sherman Oaks.
Perry luajti gjithashtu në shfaqjen televizive Oz, si dhe filma si Buffy, The Vampire Slayer, 8 Sekonda dhe Elementi i Pestë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
