"Nevoja për të sjellë rajonin e tërë përpara, bazuar në meritat individuale", ka shkruar Hahn.
Presidenti i Komisionit Evropian, Jean-Claude Juncker, bashkë me përfaqësuesen e lartë të BE-së, Federica Mogherini dhe komisionerin Johanes Hahn, ndodhen për një vizitë zyrtare në Prishtinë.
Pas takimit në Presidencë ku zhvilluan një takim me krerët e shtetit, Thaçin, kryeparlamentarin Veseli dhe me kryeministrin Haradinaj, në një konference për mediat
presidenti i Komisionit Evropian, Jean-Calude Juncker së bashku me presidentin Hashim Thaçi, ka ripërsëritur se Kosova duhet të ratifikojë marrëveshjen e demarkacionit nëse dëshiron të fitojë liberalizimin e vizave.
“Është esenciale që vendi i juaj të votojë së shpejti demarkacionin, është hap kyç i pashmangshëm, i rëndësishëm drejt liberalizimit të vizave, ku bashkëqytetarët tuaj shqiptarë e serbë do të jenë përfituesit e kësaj”, ka thënë Juncker.
Ai ka thënë se edhe luftimi i krimit dhe korrupsionit duhet të thellohet edhe më shumë, dhe se nuk është i kënaqur që kosovarët janë të vetmit që nuk mund të udhëtojnë lirshëm.
Presidenti i KE-së, ka folur edhe për Strategjinë e BE-së për Ballkanin Perëndimor ku ka thënë se kjo strategji shërben për thellimin e bashkëpunimit në mes vendeve të Ballkanit Perëndimor .
Juncker ka thënë se ndjehet i lumtur që së bashku me Mogherinin dhe Hahn po e përfundojnë udhëtimin e tyre në Prishtinë.
Ndërsa presidenti Thaçi ka thënë se vizita e delegacionit të BE-së, është dëshmi e qartë e përkushtimit të BE-së për Kosovën dhe të gjitha shtetet e tjera të Ballkanit Perëndimor.
Thaçi nuk ka dashur të komentojë mos ratifikimin e demarkacionit në seancën e sotme të Kuvendit të Kosovës, duke shprehur besimin se një gjë e tillë do të
ndodhë ditëve të ardhshme.
“Nuk do të komentoj asgjë, sepse jam i bindur se marrëveshja do të ratifikohet ditëve të ardhshme. Jemi të bindur se pasi kjo të ndodhë, KE dhe zoti Juncker do të bëjnë punën e tyre, do të marrin vendimet e duhura dhe do t’i japin fund izolimit të qytetarëve të Kosovës”, është shprehur Thaçi.
Ai ka thënë se ka mirëpritur edhe publikimin e Strategjisë së re për Ballkanin Perëndimor.
“Kjo strategji ka konfirmuar qartë të ardhmen e sigurt të Kosovë për anëtarësim në BE”, u shpreh Thaçi.
Për vizitën e tyre në Kosovë ka shkruar edhe vetë Johannes Hahn në "Twitter".
"Nevoja për të sjellë rajonin e tërë përpara, bazuar në meritat individuale", ka shkruar Hahn.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.