Rëra e Saharasë, e bartur nga erërat e forta drejt veriut, ka 'pushtuar' Francën, duke ngjyrosur me të verdhë qiellin në pjesën më të madhe të jugut dhe lindjes së vendit.
"Një sistem me presion të ulët në Gadishullin Iberik shkaktoi një erë të fuqishme drejt jugut që shtyu rërën nga Sahara drejt Francës", shpjegoi Meteo France në faqen e tij Facebook.
"Prania e rërës në atmosferë ka ngjyrosur qiellin në të verdhë-portokalli në Francën jug-lindore dhe qendrore-lindore gjatë të shtunës”, shtoi ai.
Sipas qendrës spanjolle kombëtare të monitorimit të motit, përgjegjëse për këto fenomene në nivelin evropian, 're' e rërës do të vazhdojë të rritet drejt veri-lindjes së vendit dhe më pas do të vazhdojë drejt Evropës Qendrore, gjithashtu në Itali.
Shumë përdorues të rrjetit social kanë postuar fotografi të rajoneve të ndryshme, nga Toulouse në Strasburg (lindje), duke kaluar nëpër Lyon dhe Grenoble (në jug-lindje), duke treguar peisazhe emblematike dhe monumente me ngjyrë okër.
Me petkun që mbulonte pjesën më të madhe të Francës jugore, Lioni dukej më shumë si një metropol i shkretëtirës nën-Sahariane sesa një qytet bregdetar lindor.
Ndërtesat në qytetin historik francez u ndezën me një ngjyrë të ndryshkur portokalli me tone si shkretëtira dhe një diell të mjegullt që rrezatonte mbi qytet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
