Në Kuvendin Kombëtar të Partisë Demokratike të thirrur nga lideri historik i saj Sali Berisha, janë miratuar ndryshimet statusore.
Me ndryshimet në statutin e PD, Lulzim Basha nuk do jetë më kryetar i partisë.
Sipas Këlliçit, sot do të votohet në mënyrë të fshehtë shkarkimi i Lulzim Bashës, kurse ratifikimi i shkarkimit të tij do të bëhet përmes një referendumi më 18 dhjetor.
"Të votojë me votim të fshehtë të delegatëve për shkarkimin e Bashës për thyerje të rënda të statutit të PD, përvetësim të kompetencave të organeve qendrore, dhe dëmtim të interesave elektorale. Fleta e votimit të përmbajë pyetjen a jeni dakord me shkarkimin e Bashës, përgjigje alternative po, dhe jo. Ky vendim hyn në fuqi menjëherë."-tha Këlliçi.
PD do drejtohet nga një organ kolegjial deri në zgjedhjen e organeve të reja drejtuese sipas parimit “një anëtar- një votë”.
Delegatët e Kuvendit të thirrur nga Berisha në “Air Albania” kanë vendosur shkarkimin e Sekretarit të Përgjithshëm të PD-së, Gazment Bardhi si edhe të tre nënkryetarëve, Grida Duma; Jorida Tabaku dhe Enkelejd Alibeaj.
Shkarkimi i tyre u bë me argumentin se nuk ishin zgjedhur sipas statutit të partisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
