Tiranë – Policia ka arrestuar në flagrancë shtetasin T. Ç., 56 vjeç, pasi u kap duke transportuar 8 kg e 45 gramë kanabis në automjetin e tij, me dyshimin se e posedonte me qëllim shitjen. Operacioni policor i koduar “Transportuesi” u zhvillua nga Komisariati i Policisë Nr. 3, pas informacioneve të siguruara nga inteligjenca informative. Shtetasi u ndalua në rrugën “Pandi Dardha”, në zonën e Laprakës, teksa drejtonte automjetin tip “Audi A3”.
Gjatë kontrollit, në bagazh u gjet sasia e lëndës narkotike, e cila u sekuestrua në cilësinë e provës materiale. Gjithashtu, gjatë kontrollit në banesën e tij, policia gjeti dhe sekuestroi një armë gjahu pa leje.
Materialet procedurale i kaluan Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
