Hetimet lidhur me çështjen CEZ-DIA ndaj deputetes Monika Kryemadhi dhe ish-bahkëshortin e Ilir Meta janë mbyllur.
Çifti Meta-Kryemadhi u divorcuan pak kohë më parë, ndërsa janë hetuar për korrupsion, pastrim parash dhe mosdeklarim e fshehje pasurie.
Mësohet se Kryemadhit do i komunikohen akuzat në mesditë nga SPAK ndërsa ish-Presidentit Meta do t’i komunikohen akuzat në orën 14:00.
Akuzat do t’iu komunikohen edhe personave të tjerë të përfshirë në këtë dosje, Ema Çoku e Pirro Xhixho.
Dosja më pas do të kalojë në GJKKO për seancën paraprake të vlerësimit të hetimeve.
Ilir Meta u arrestua më 21 tetor 2024 për dosjen e skandalit të lobimit të Partisë së Lirisë në SHBA, asokohe LSI, dhe CEZ-DIA.
Të dyja dosjet janë bashkuar në një, ndërkohë që familjes Meta po i hetohet edhe pasuria. Meta dhe Kryemadhi akuzohen për veprat penale “Pastrimi i produkteve të veprës penale ose veprimtarisë kriminale”, “Korrupsion pasiv i funksionarëve të lartë shtetërorë ose të zgjedhurve vendorë”, “Refuzim për deklarim, mosdeklarimi, fshehja dhe deklarimi i rremë i pasurive, interesave private të personave të zgjedhur dhe nëpunësve publikë”.
Ema Çoku akuzohet për “Pastrim i produkteve të veprës penale e kryer në bashkëpunim” dhe Pirro Xhixho për “Korrupsioni pasiv i funksionarëve të lartë shtetërorë ose të zgjedhurve vendorë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
