Qeveria austriake është "në bisedime me vendet e Ballkanit Perëndimor" për të krijuar "një qendër për emigrantët e paligjshëm të dëbuar", shkruan gazeta e Vienës, Presse.
Gazeta pretendon se Austria "po negocion tashmë me Beogradin, Tiranën, Shkupin dhe Prishtinën" për "vendosjen e kampeve për personat e dëbuar që marrin një përgjigje negative në Austri për kërkesat e tyre për azil, duke arritur në rrugën e Ballkanit".
Këta persona, shkruan Presse, duhet përkohësisht "të qendrojnë" në një vend që është "më pak tërheqës për emigrantët" dhe shton se "vendet e Ballkanit Perëndimor po kërkojnë para në këmbim, ndërsa Vjena aktualisht po shqyrton mundësitë ligjore".
Frontex duhet gjithashtu të ndihmojë në këto largime por së pari duhet të ndryshohet mandati i kësaj agjencie të BE. Duke ecur perpara, Vjena do që Frontex të kthejë menjëherë në Afrikën e Veriut ata migrantë të shpëtuar në det.
Ndryshe nga Italia, kancelari austriak Sebastian Kurz nuk dëshiron që qendrat e pritjes ku emigrantët mund të aplikojnë për azil të ngrihen në Afrikën e Veriut, "sepse ai ka frikë se kjo do të tërheqë shumë njerëz", tha e përditshmja e Vjenës.
Për momentin, ky projekt, sipas Presse, mbështetet nga Danimarka dhe Holanda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
