Pak orë pas fjalimit të Benjamin Netanyahut në OKB, ku kryeministri izraelit refuzoi çdo armëpushim dhe tregoi se do të vazhdonte luftën e tij vrastare në Liban, forcat ajrore izraelite goditën dhunshëm periferitë jugore nga Bejruti.
Sipas ushtrisë izraelite, bombardimet kishin në shënjestër selinë e Hezbollahut në periferinë jugore të qytetit, pranë spitalit Rasoul al-Aazam, pranë aeroportit të Bejrutit.
Në një deklaratë, ushtria izraelite pretendon se lideri i Hezbollahut, Hassan Nasrallah ishte i pranishëm në momentin e shpërthimit dhe se ai ishte objektivi kryesor i sulmit.
Ushtria izraelite, IDF, përdori municione të fuqishme anti-bunker, të afta për të goditur objektivat në thellësi, në ndërtesat e banimit.
Imazhet nga vendi i bombardimeve japin një pamje të rëndë të shkallës së shkatërrimit. Mediat ndërkombëtare raportojnë se Nasrallah është mirë dhe nuk ka pësuar dëmtime nga sulmi.
Që nga lufta e vitit 2006, periferitë jugore të Bejrutit nuk kanë pësuar kurrë një sulm kaq brutal nga ushtria izraelite, e cila tashmë e ka goditur qytetin disa herë këtë javë.
Video from the site of the zionist terrorist attack on Beirut pic.twitter.com/PrhhTrKSdM
— War Monitor (@WarMonitors) September 27, 2024
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
