Shefi i sigurisë ruse: Perëndimi rekruton terroristë për të luftuar për regjimin e Kievit

Londra dhe Uashingtoni po rekrutojnë anëtarë të organizatave ndërkombëtare terroriste për të luftuar për regjimin e Kievit.

Kështu tha Sekretari i Këshillit të Sigurimit të Rusisë, Nikolay Patrushev, në një takim të shefave të sigurimit të enjten, cituar nga Tass.

Në mes të operacionit të posaçëm ushtarak, shërbimet e inteligjencës amerikane dhe britanike po rekrutojnë anëtarë të organizatave terroriste ndërkombëtare me qëllim që t’i zhvendosin ata për të marrë pjesë në armiqësitë në anën e regjimit të Kievit.

Patrushev deklaroi se Uashingtoni nuk i ka braktisur përpjekjet për të negociuar me vendet fqinje të Afganistanit dhe për të krijuar atje, një infrastrukturë të supozuar të përkohshme për operacione anti-terroriste.

Ju kujtoj se amerikanëve u nevojitet një gjë e tillë kryesisht për studimin e teatrit të mundshëm të operacioneve luftarake, specifikimin e koordinatave të objektivave të ardhshëm dhe rregullimin e hartave dixhitale për armët me preçizion të lartë.