Kryhet ekzekutimi i parë i një protestuesi në Iran. Gjyqësori i Republikës Islamike ka njoftuar se është ekzekutuar Mohsen Shekar, një i ri i arrestuar gjatë protestave.
I riu akuzohet se ka bllokuar rrugën, ka shkaktuar shqetësime, ka shkrepur armën me qëllim vrasjen dhe ka plagosur me dashje të një oficeri gjatë detyrës.
Seanca për caktimin e dënimit, u mbajt më 10 nëntor.
Protestuesit paralajmërojnë se të njëjtin fat mund të kenë edhe demonstruesit e tjerë, për shkak se rreth dhjetë persona janë dënuar me vdekje për përfshirjen e tyre në protesta.
Irani është përfshirë nga protestat që nga 16 shtatori i kaluar, kur 22-vjeçarja Mahsa Amini vdiq pasi u arrestua nga policia e moralit, për mos mbajtjen e duhur të shamisë.
Të paktën 475 persona u vranë gjatë protestave, sipas Aktivistëve të të Drejtave të Njeriut në Iran, të cilët po monitorojnë protestat. Ndërkohë mbi 18 mijë persona janë arrestuar deri më tani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
