Marrëveshja me Italinë, 4 emigrantë do të rikthehen sërish në vendin fqinj

Katër nga 49 emigrantët që mbërritën sot në Shëngjin do të dërgohen në Itali mbrëmjen e sotme.

Sipas burimeve në shtetin italian do të kthehen tre emigrantë të mitur dhe një i rritur.

Ata mbërritën mëngjesin e sotëm në Shqipëri së bashku me 45 emigrantë të tjerë me anijen ushtarake italiane “Cassiopea”, ndërsa pas procedurave te verifikimit do te dërgohen ne kampin e Gjadrit.

Grupi i tretë i emigrantëve të paligjshëm që mbërriti këtë të martë në Shqipëri erdhi pas 2 muajsh pezullim për shkak të vendimeve të gjykatave në Itali që urdhëruan në dy rastet e para, dërgimin e emigrantëve në vendin fqinj.