Pas më shumë se 24 orësh debat, Senati i SHBA ka miratuar projekligjin e buxhetit të propozuar nga Donald Trump për taksa dhe shpenzime, i quajtur “One Big Beautiful Bill Act”.
Projektligji kaloi me votën vendimtare të zëvendëspresidentit JD Vance, pasi rezultati ishte 50 me 50.
Ky projektligj pritet të kthehet sërish në Dhomën e Ulët, ku pritet të ketë ende kundërshtime.
Trump u kishte kërkuar republikanëve ta miratonin para 4 korrikut, por pati shumë përplasje brenda partisë për buxhetin dhe programet sociale.
Tre senatorë republikanë votuan kundër së bashku me demokratët: Susan Collins, Thom Tillis dhe Rand Paul. Ata shprehën shqetësim për shkurtime në ndihmën sociale.
Ndërkohë, senatorja Lisa Murkoëski, që fillimisht ishte kundër, vendosi të votojë pro pas negociatave, megjithëse u shpreh se procesi ishte shumë i nxituar dhe i vështirë.
Ky projektbuxhet përmban të gjitha premtimet elektorale të presidentit dhe parashikon shkurtime taksash dhe shpenzimesh prej 3.3 trilionë dollarësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
