Autori i sulmit të djeshëm në Manhatan kishte mbërritur në SHBA me anë të Lotarisë Amerikane. Ky detaj u bë publik nga presidenti amerikan, Donald Trump, përmes një postimi në Tuiter.
“Terroristi erdhi në vendin tonë përmes asaj që quhet Programi i Lotarisë “Vizat e Diversitetit””, shkruan Trump në profilin e tij.
Kreu i Shtëpisë së Bardhë gjeti rastin të sulmonte senatorin opozitar Charles Schumer për rolin e tij mbështetës lidhur me këtë program që u jep të drejtën njerëzve nga vende të ndryshme të botës të emigrojnë në SHBA.
“Ne po përpiqemi shumë për një emigracion të bazuar në meritë, nuk ka më sisteme lotarie të demokratëve. Duhet të bëhemi më të ashpër”, shprehet Trump në një tjetër postim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
