Kreu i Partisë Demokratike, Lulzim Basha përmes një postimi në Twitter thekson nevojën për vetting në politikë ndërkohë që publikon shifrat, që sipas tij faktojnë kapjen e shtetit që ka arritur nivelin më të lartë në rajon.
Sipas Bashës ky proces do të sjellë pastrimin e institucioneve nga të gjithë ata që, duke abuzuar me pushtetin kanë paralizuar demokracinë dhe kanë shkatërruar ekonominë e familjeve shqiptare.
“Kapja e shtetit nga pushtetarët e lidhur me oligarkët, ka arritur nivelin më të lartë në rajon, duke dëmtuar tregun, duke rritur çmimet e vrarë vende pune. Prandaj, edhe këtë vit, projekt-buxheti po miratohet për t’u dhënë thelat oligarkëve dhe thërrimet qytetarëve.
Që shteti të mos jetë në duart e një pakice të vogël njerëzish, që ekonomia të jetë konkurruese dhe sipërmarrësit e ndershëm të jenë të lirë të krijojnë mirëqenie, na nevojitet #vettingnëpolitikë
Për pastrimin e institucioneve nga të gjithë ata që, duke abuzuar me pushtetin, kanë paralizuar demokracinë dhe kanë shkatërruar ekonominë e familjeve shqiptare,” shkruan Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
