SHBA po shqyrton mundësinë e vendosjen së kufizimeve të reja anti-Covid për personat që vijnë nga Kina, pasi Pekini njoftoi se do të rihapë kufijtë në muajin e ardhshëm.
Zyrtarët amerikanë thonë se ky vendim vjen si shkak i mungesës së transparencës rreth virusit në Kinë, pasi rastet janë në rritje. Të mërkurën, Italia njoftoi planet për të zbatuar testimin e detyrueshëm, pasi masat më të rrepta u ndoqën edhe nga Japonia, Malajzia, Tajvani dhe India.
Pekini tha se rregullat e koronavirusit duhet të vendosen mbi një bazë "shkencore".
Zyrtarët në qytetin italian të Milanos tashmë po testojnë pasagjerët në fluturimet nga Kina. Në një fluturim me destinacion aeroportin e Malpensas, rezultoi se 52% e pasagjerëve ishin pozitiv me Covid-19.
Zyrtarët ende nuk kanë komentuar mbi këto shifra, por, në një deklaratë, Ministri i Shëndetësisë Orazio Schillaci tha se ai kishte urdhëruar testimin e detyrueshëm Covid-19 për të gjithë pasagjerët që vijnë nga Kina dhe kalojnë tranzit nëpër Itali.
Ai tha se kjo ishte "thelbësore për të siguruar mbikëqyrjen dhe identifikimin" e çdo varianti të ri të virusit dhe për "të mbrojtur popullsinë italiane".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
