Sot në Tiranë është ditë pa makina, ku qarkullimi i automjeteve është ndaluar nga ora 09:00 deri në orën 15:00. Disa prej qytetarëve kanë shfrytëzuar kohën e mirë me diell dhe po ndjekin aktivitetet që po zhvillohen në bulevardin “Dëshmorët e Kombit”. Duke folur për MCN Live qytetarët thonë se dita pa makina është një nismë e mirë, por jo zgjidhje.
“Inshallah bëhet javë për javë kështu, është gjëja më e mirë. Them që çmimi i naftës do të ulet”, deklaron një qytetar.
Një tjetër qytetar shprehet:
Dita pa makina është ditë e bukur, problem është që nuk është zgjidhje. Shpresoj që ky numër të vijë duke u zvogëluar në qytete. Derisa vazhdon kriza karburanti këtë punë do ketë, do ulet do ngrihet. Jam pensionist, i kam vënë çelësin dhe e kam parkuar diku. Shteti duhet të mendoj për ato që janë në periferi”.
Një tjetër pensionist thotë:
Shumë mirë dita pa makina, të bëhet një herë në javë. Shumë janë rritur çmimet në krahasim me shtetet fqinje. E papërballueshme për mua që jam pensionit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
