Kolegji i Posaçëm i Apelimit (KPA) ka lënë në fuqi vendimin e shkarkimit të gjyqtares Alma Liçaj nga Komisioni i Pavarur i Kualifikimit (KPK).
Vendimin e shkarkimit nga KPK, gjyqtarja Alma Liçaj e ankimoi në Kolegjin e Posaçëm të Apelimit (KPA), por edhe në këtë shkallë vendimi nuk ka ndryshuar.
Trupi gjykues i KPA-së, i përbërë nga Luan Daci kryesues, Natasha Mulaj relatore dhe anëtarët Albana Shtylla, Rezarta Schuetz, Sokol Çomo, la sot në fuqi vendimin për shkarkimin e Liçajt.
Alma Liçaj ishte kryetare e Gjykatës së Apelit në Vlorë kur u mor vendimi për ta shkarkuar nga detyra. Ajo u akuzua për fshehje dhe mungesë burimesh financiare për pasurinë e saj që përbëhet nga një shtëpi dhe 5 apartamente në Vlorë dhe Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
