Më shumë se një milion njerëz kanë nënshkruar peticionin e lëvizjes Greenpeace, i cili u kërkon markave të mëdha si Coca-Cola, Pepsi, Nestle Unilever, Procter&Gamble, McDonald’s dhe Starbucks të reduktojnë në mënyrë drastike përdorimin e ambalazheve prej plastike njëpërdorimshe.
“Plastika po u merr frymën deteve tona. Duhen aksione urgjente nga ana e kompanive të mëdha që vijojnë të prodhojnë, të shesin dhe përdorin plastikë, edhe pse e panevojshme, duke kontribuuar në mënyrë substanciale për rëndimin e situatës aktuale. Për vite me radhë është thënë se zgjidhja është riciklimi. Por sot shifrat tregojnë se as ai nuk është i mjaftueshëm për të zgjidhur problemin”, thotë Giuseppe Ungherese, i Greenpeace Italia.
Të dhënat e fundit shkencore, të mbledhura në vitin 2015, tregojnë se vetëm 9 % e plastikës së prodhuar në nivel botëror që nga vitet ’50 është ricikluar në mënyrë korrekte. Edhe pse përqindja e materialeve të riciluara është rritur në dekadat e fundit, është e dukshme që ajo nuk është e mjaftueshme për të shmangur ndotjen e deteve.
Aktivistët thonë se një kamion me mbetje plastike përfundon në detet e planetit çdo minutë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
